علاج الإكتئاب

موضوع: علاج الإكتئاب الجمعة أكتوبر 18, 2013 8:57 am

سؤال: ما هو مصدر "الاكتئاب"، وما هي الطريقة الأكثر فعالية للتخلص منه ؟

الجواب: تقريبا جميع أشكال الحزن والاكتئاب يبدأ من العقل اللاوعي باننا بنحدد صوره جوه عقلنا عن ازاى الامور مفروض تكون والمشكله فى ده ان الصوره دى مش بتنتمى لينا فهى فى الحقيقه بتنتمى للعالم الخارجى؛ وطبيعه العالم الخارجى دى بتقولك انك تقيم نفسك بمقايسه هو بحيث ان يبقى ليك قيمه بس لو اتصرفت باسلوب معين او ملكت حاجه معينه ولو معملتش ده ميبقاش ليك قيمه فالعلاج الحقيقى انك متحاربش شعورك بالحزن او الاكتئاب لكن بهدوء وبوعى راقب شعورك هتلاقيه اكبر كذبه وانه شعور مزيف بيقولك انت عمرك ماهتحس بالامان الا لو ملكت الشخص ده او الشئ ده فى اكبر من كذبه

طبعا كذبه ايه فايده انك تحب حاجه وتفتكر انك لو ملكتها ملكت الدنيا ولما تخسرها تخسر اهم حاجه وهى نفسك .

سؤال : لما بحس بالاكتئاب بحس انى ضحيه ازاى اتخلص من الشعور ده ؟

الاجابه : لما بنواجه اى حاله من الحزن واليأس بيبدأ عقلنا يسأل نفسه اعمل ايه ؟ اروح لمين واتكلم مع مين ؟ ايه افضل طريقه اتعامل بيها مع الموضوع ده ؟ لكن طبعا السؤال المفضل لعقلنا واللى بيكرر نفسه هو انا ليه بيحصلى كل ده ؟
حاول تشوف الخدعه اللى وقعت فيها انت اول ما بتسأل الاسئله دى وبتحاول تشوف ليها حل ؛ انت بكده بتعترف بقوه الشعور ده عليك وبتمكنه من نفسك استرخى وخد نفس عميق ولاحظ شعورك واحساسك بالحزن والاكتئاب من غير ما تتفاعل معاه يعنى كانك بتتفرج على فيلم لكن من غير ماتتفاعل معاه حسه فى جسمك عامل ازاى بس حسه من غير ماتغوص فى افكار كئيبه او من غير ما تحاربه
السبب الرئيسى فى اننا غير سعداء هو فكرتنا الغلط عن ازاى نخلى نفسنا سعداء .
احنا بنفتكر اننا هنكون سعداء لو امتلكنا اشخاص او اشياء ؛ بس ازاى نملك شئ فى حاله تغير مستمر ؛ الانسان مثلا فى حاله تغير مستمر فى المشاعر ؛فى العمر وباقى الاشياء نفس الحال فهى فى تغير مستمر
لو فكرنا كويس هنعرف حقيقه الكدبه اللى احنا عايشين فيها وهنعرف ان الاشخاص والاشياء عمرهم ما هيحسسوك بالامان لانهم فى تغير دائم

سؤال : ليه انا بحب استسلم للشعور بالاكتئاب والحزن ؟

لان ده بيخلينا نحس بأنفسنا , رغم ان احنا مش عايزين نصدق ده ؛ فى كتير من جواهم بيحبوا شعورهم بالاكتئاب رغم انهم بيرفضوا يصدقوا ده وبيقولوا احنا بنرفض الشعور ده احنا حتى بنحاربه لكن فى الحقيقه من خلال حربنا والمعاناه مع الاكتئاب بنحس بشعور مزيف بالحياه وباهميتنا وساعتها بنحول تركيز الناس واهتمامهم لينا لكن فى الحقيقه احنا بنخسر حياتنا الحقيقيه اللى مفروض نعيشها وبنستسلم لحياه مزيفه واكذوبه

سؤال : يعنى كده قصدك انى انا اخترت اسبب الاذى لنفسى واخترت انى اعيش فى الاكتئاب ؟

احنا كلنا متفقين ان مفيش انسان ذكى هيأذى نفسه عن قصد مفيش حد هيختار يعيش فى الالم ؛لكن الحقيقه هى اننا بنأذى نفسنا كل يوم واحنا بنمر بحالات الغضب والقلق والاكتئاب على المستوى العضوى والنفسى
فى خلال الوقت اللى احنا بنخون فيه نفسنا وبنأذى غيرنا بنكون فى حاله لاوعى بتصرفتنا وباحسسنا فى الحاله دى ممكن متكونش قادر تخرج نفسك من الحاله دى لكن دلوقت ممكن تشوف حالتك بوضوح وبكده هتصحى حاجه فيك مهمه وهتشوف ان كل اللى بتمر بيه مجرد مشاعر مهزومه مزيفه بتكذب عليك و بتحاول تقولك ازاى تكسب موقف .

لما تحس بالاكتئاب بتحس انك رهينه الشعور ده وتحت سيطرته فى الحاله دى استرخى خد نفس عميق حس بجسمك كله ركز على كل جزء من جسمك وخد نفس عميق لاحظ الاكتئاب كأنه شعور مظلم محوطك بس من غير تفاعل معاه بس لاحظه دلوقت حس بطاقه نور جميله حوليك محوطه جسمك كله استرخى فيها حس بالامان اتنفسها وخليها تملى جسمك تتغلغل فى كل ذره فى جسمك حس اد ايه شعور الاكتئاب ضعيف مهزوم فى نور ربنا وبين ايديه خليك فى النور ده اتنفسه لحد ماتحس انك افضل وكرره لحد ماتتخلص من شعور الاكتئاب وتشوفه على حقيقته

يسلمو على الطرح الرائع
لايحرمنا جديدك

نورتى الموضوع دموع الورد يسلمو

» علاج قساوة القلب
» علاج تسمم الزئبق عند الطفل
» علاج انتفاخ المعدة بالأعشاب: